பிரபல காமடி நடிகரும் பத்திரிகையாளருமான ‘சோ’ ராமசாமி காலமானார்

பிரபல காமடி நடிகரும், அரசியல் விமர்சகரும், பத்திரிகையாளருமான ‘சோ’ ராமசாமி (Cho Ramaswamy) இன்று (புதன்கிழமை) காலமானார். கடந்த சில மாதங்களாகவே உடல்நலக் குறைவால் பாதிக்கப்பட்டிருந்த சோ, சுவாசக் கோளாறு காரணமாக மருத்துவமனையில் அனுமதிக்கப்பட்டார். கடந்த வாரம் சுவாசப் பிரச்சினையினாலும், உணவு உட்கொள்ள முடியவில்லை என்பதாலும் அப்போலோ மருத்துவமனையில் அனுமதிக்கப்பட்டிருந்தார். அவருக்கு தீவிர சிகிச்சை அளிக்கப்பட்டு வந்தது. எனினும், சிகிச்சை பலனின்றி புதன்கிழமை அதிகாலை அவரது உயிர் பிரிந்தது.

cho_ramaswamy_l_k_a_893394f

‘சோ’ 20 வயதில் ஒரு நாடகம் பார்த்தபோது நடிப்பில் ஆர்வம் பிறந்தது. முதன்முதலாக ‘கல்யாணி’ என்ற நாடகத்தில் நடித்தார். ‘தேன்மொழியாள்’ என்ற நாடகத்தில் ‘சோ’ என்ற கதாபாத்திரத்தில் நடித்தார். பிறகு, அதுவே இவரது பெயராக நிலைத்துவிட்டது

திரைப்படங்களில் காமடி நடிகராக அறிமுகமாகி திரைப்படத்துறையில் நிறைய நண்பர்களை பெற்று இருந்தார்.தன்னை அரசியல் விமர்சகராக நிலைநிறுத்திக்கொன்டாலும் பாஜக சார்பு, குறிப்பாக ஆர் எஸ் எஸ் வட்டாரங்களில் இவருக்கு தேசிய அளவில் நண்பர்கள் உண்டு. நாடகங்கள் எழுதி, இயக்கி முக்கிய வேடத்தில் நடித்தார். துக்ளக்’ வார இதழை 1970-ம் ஆண்டிலிருந்து தொடர்ந்து நடத்திக்கொண்டிருந்தார் என்பது குறிப்பிடத்தக்கது

 


கருத்துக்களை பகிர


அல்லது

Your email address will not be published.

Scroll To Top