ஆஸ்திரேலிய ஓபன்: சானியா மிர்ஸா, ஹோரியா டெகாவ் ஜோடி இறுதிப் போட்டியில் தோல்வி.

ஆஸ்திரேலிய ஓபன் டென்னிஸ் இறுதிப் போட்டியில் கலப்பு இரட்டையர் பிரிவில் சானியா மிர்சா மற்றும் ஹோரியா டெகாவ் ஜோடி தோல்வியடைந்து சாம்பியன் பட்டத்தை நழுவவிட்டது.

இந்தியாவின் சானியா மிர்சா மற்றும் ருமேனிய வீரர் ஹோரியா டெகாவ் ஜோடி ஃப்ரான்ஸின் கிறிஸ்டினா, கனடாவின் டேனியல் நெஸ்டர் ஜோடியுடன் இறுதி போட்டியில் மோதியது.தொடக்கம் முதலே ஆதிக்கம் செலுத்தி வந்த கிறிஸ்டினா மற்றும் நெஸ்டர் ஜோடி முதல் செட்டை 6-3 என்ற கணக்கில் கைப்பற்றியது.

இரண்டாவது செட்டிலும் சானியா – ஹோரியா டெகாவ் ஜோடியால் திறமையான ஆட்டத்தை வெளிப்படுத்த முடியவில்லை. இதனையடுத்து 2-வது செட்டை 6-2 என்ற கணக்கில் கைப்பற்றிய கிறிஸ்டினா – நெஸ்டர் ஜோடி சாம்பியன் பட்டம் வென்றது.