தமிழகத்தில் அதிரடியாக குறைகிறது கொரோனா! இன்று புதிதாக 2,886 பேருக்கு தொற்று;35 பேர் உயிரிழந்துள்ளனர்.

தமிழகத்தில் அதிரடியாக குறைந்து வருகிறது கொரோனா! இன்று புதிதாக 2,886 பேருக்கு தொற்று, சென்னையில் 779 பேர் பாதிப்பு, 35 பேர் உயிரிழந்துள்ளனர்,

தமிழகத்தில் இன்று 2,886 பேருக்குக் கொரோனா தொற்று உறுதியாகியுள்ளது. மொத்த எண்ணிக்கை 7,06,136. சென்னையில் மட்டும் மொத்தம் 1,94,901 பேர் பாதிக்கப்பட்டுள்ளனர்.

தமிழகத்தில் கொரோனா நோயாளிகள் எண்ணிக்கை, நிலை குறித்து இன்று பொது சுகாதாரத்துறை வெளியிட்ட அறிவிப்பு:

இன்று மட்டும் வெளி மாநிலத்திலிருந்து தமிழகத்துக்கு வந்தவர்களில் ஒருவருக்கும் தொற்று இல்லை எனத் தெரியவந்துள்ளது.

 சென்னையில் 779 பேர் கரோனா தொற்றால் பாதிக்கப்பட்டுள்ளனர். இன்று சென்னை உள்ளிட்ட 37 மாவட்டங்களில் தொற்று எண்ணிக்கை வந்துள்ளது. சென்னையைத் தவிர 36 மாவட்டங்களில் 2,107 பேருக்குத் தொற்று உள்ளது.

* தற்போது 66 அரசு ஆய்வகங்கள், 132 தனியார் ஆய்வகங்கள் என 198 ஆய்வகங்கள் உள்ளன.

* தனிமைப்படுத்துதலில் உள்ளவர்களின் மொத்த எண்ணிக்கை 31,787.

* மொத்தம் எடுக்கப்பட்ட மாதிரிகளின் எண்ணிக்கை 94,36,817.

* இன்று ஒரு நாளில் எடுக்கப்பட்ட சோதனை மாதிரி எண்ணிக்கை 80,237.

* மொத்தம் தொற்று உள்ளவர்கள் எண்ணிக்கை 7,06,136 .

* இன்று தொற்று உறுதியானவர்கள் எண்ணிக்கை 2,886 .

* சென்னையில் தொற்று உறுதியானவர்கள் எண்ணிக்கை 779.

* மொத்தம் தொற்று உள்ளவர்கள் எண்ணிக்கையில் ஆண்கள் 4,26,240 பேர். பெண்கள் 2,79,864 பேர். மூன்றாம் பாலினத்தவர் 32 பேர்.

* தொற்று உறுதியானவர்களில் ஆண்கள் 1,711 பேர். பெண்கள் 1,175 பேர்.

* இன்று டிஸ்சார்ஜ் ஆனவர்கள் 4,024 பேர். மொத்தம் டிஸ்சார்ஜ் ஆனவர்கள் 6,63,456 பேர் .

* இன்று கொரோனா வைரஸ் நோய்த் தொற்றினால் 35 பேர் உயிரிழந்துள்ளனர். இதில் 16 பேர் தனியார் மருத்துவமனையிலும், 19 பேர் அரசு மருத்துவமனையிலும் உயிரிழந்துள்ளனர். இதில் சென்னையில் இன்று 3 பேர் உயிரிழந்துள்ளனர். இந்நிலையில் உயிரிழப்பு எண்ணிக்கை 10,893 ஆக உள்ளது. இதுவரை சென்னையில் மொத்தம் 3,583 பேர் உயிரிழந்துள்ளனர்.

நீண்டகால நோயால் பாதிக்கப்பட்டிருந்தவர்கள் 30 பேரும் எவ்விதப் பாதிப்பும் இல்லாதவர் 5 பேரும் உயிரிழந்துள்ளனர் என்று  பொது சுகாதாரத்துறை தெரிவித்துள்ளது.


கருத்துக்களை பகிர


அல்லது

Your email address will not be published.

Scroll To Top