கொரோனா தாக்கம் ‘அவதார் 2’ ரிலீஸ் தேதி மாற்றம் – ஜேம்ஸ் கேமரூன்

ஜேம்ஸ் கேமரூன் இயக்கத்தில் 2009-ல் திரைக்கு வந்த அவதார் படம் உலகையே பிரமிக்க வைத்தது. இதற்கு முக்கிய காரணம் அவதார் படத்தில் இடம்பெற்ற கற்பனை உலகம் முழுக்க முழுக்க கிராபிக்ஸ் தொழில்நுட்பங்களை கொண்டு உருவாக்கியதால் ரசிகர்களை வியக்க வைத்தன.

சுமார் ரூ.25 ஆயிரம் கோடி வசூலித்து உலக அளவில் அதிகம் வசூல் ஈட்டிய படம் என்ற சாதனையையும் நிகழ்த்தியது. இந்த சாதனையை கடந்த வருடம் வெளியான அவெஞ்சர்ஸ் எண்ட் கேம் முறியடித்தது குறிப்பிடத்தக்கது.

அடுத்து இந்த படத்தின் 4 பாகங்கள் ரூ.7,500 கோடி செலவில் தயாராகி வருகிறது. 2 மற்றும் 3ம் பாகங்களுக்கான படப்பிடிப்புகள் நியூசிலாந்தில் தொடர்ந்து நடந்து வந்தன. கொரோனா பரவல் காரணமாக நியூசிலாந்தில் ஊரடங்கு அமல்படுத்தப்பட்டதால் கடந்த மார்ச் மாதம் அவதார் படப்பிடிப்பு நிறுத்தப்பட்டது.

இதுதொடர்பாக ஜேம்ஸ் கேமரூன் கூறியதாவது: “கொரோனா அச்சுறுத்தல் காரணமாக அவதார் அடுத்த பாகத்தின் படப்பிடிப்பை குறித்த நேரத்தில் முடிப்பதில் தாமதம் ஏற்பட்டுள்ளது. தற்போது நியூசிலாந்தில் படப்பிடிப்பில் நடத்தி வருகிறோம். கொரோனாவுக்கு முன்பு வரை டிசம்பர் 2021-ல் வெளியிட்டுவிடலாம் என திட்டமிட்டு இருந்தோம். தற்போதைய தாமதங்களால் படத்தின் வெளியீடு தள்ளிவைக்கப்படுகிறது” என தெரிவித்துள்ளார்.

அவதார் அடுத்த பாகங்களின் புதிய வெளியீட்டு தேதி: அவதார் 2ம் பாகம் 2022ம் ஆண்டு டிசம்பர் 16ந் தேதியும், அவதார் 3ம் பாகம் 2024ம் ஆண்டு டிசம்பர் 20ந் தேதியும், அவதார் 4ம் பாகம் 2026ம் ஆண்டு டிசம்பர் 18ந் தேதியும், அவதார் 5ம் பாகம் 2028ம் ஆண்டு டிசம்பர் 22ந் தேதியும் வெளியாகும் என அறிவிக்கப்பட்டுள்ளது.


கருத்துக்களை பகிர


அல்லது

Your email address will not be published.

Scroll To Top