கொரோனா அரசியல் ;இராணுவத்தை தயார் நிலையில் இருக்குமாறு சீன அதிபர் ஜி ஜின்பிங் உத்தரவு

எந்த மோசமான சூழ்நிலையையும் சமாளிக்க இராணுவத்தை தயார் நிலையில் இருக்குமாறு சீன அதிபர் ஜி ஜின்பிங் ராணுவத்திற்கு உத்தரவிட்டு உள்ளார்.

லடாக் மற்றும் வடக்கு சிக்கிமில் உள்ள  எல்லை கட்டுப்பாட்டு பகுதியில் அண்மையில் இந்திய மற்றும் சீனப் படைகள் குவிக்கப்பட்டு உள்ளது. இது போர்ப்பதற்றத்தை அதிகரித்து வருகிறது.

லடாக் மற்றும் சிக்கிமில் உள்ள எல்லை கட்டுப்பாட்டு பகுதியில்  சீன இராணுவம் மற்றும் இந்திய படைகள் என இரு படைகளுக்கும் இடையில் பதற்றம் அதிகரித்து வருகிறது.

கொரோனா விசயத்தில் இந்தியா அமெரிக்கா உடன் சேர்ந்துக்கொண்டு உலக சுகாதார அமைப்பில் விசாரணை மேற்கொள்ள உடந்தையாக இருந்தது.  அமெரிக்கா சொன்ன அத்துணை விசயங்களுக்கும் இந்தியா தலையை ஆட்டுகிறது. இந்நிலையில், இந்தியா மீது சீனாவிற்கு ஏற்கனவே இருந்துவந்த எல்லைப்பிரச்சனையை தூசு தட்டி எழுப்பி பேசுபொருளாக மாற்றி விட்டது. இந்தியாவிற்கு புலம்பெயர் தொழிலாளர்கள் பற்றி பேசிவந்த பத்திரிகைகள் இப்போது அதை விடுத்து சீனா இந்தியா எல்லைப்பிரச்சனையை பற்றி பேசுகிறது சாதகமாய் அமைந்து விட்டது  

எல்லை நிர்வகிப்பதில் இந்தியா எப்போதுமே மிகவும் பொறுப்பான அணுகுமுறையை கடைபிடிக்கிறது என்று அனைத்து இந்திய நடவடிக்கைகளும் எல்லையின் ஓரத்தில் மேற்கொள்ளப்பட்டதாக வெளிவிவகார அமைச்சகம் தெரிவித்துள்ளது. அதே நேரத்தில், இந்தியா தனது இறையாண்மையையும் பாதுகாப்பையும் பாதுகாக்க உறுதிபூண்டுள்ளதாக கூறி உள்ளது.

சர்ச்சைக்குரிய தென்சீனக் கடல் மற்றும் தைவான் நீரிணைப்புகளில் அமெரிக்க கடற்படை தனது ரோந்துப் பணிகளை மேற்கொண்டதன் மூலம் அமெரிக்காவுடனான சீனாவின் இராணுவ உராய்வு அதிகரித்து வருகிறது. வாஷிங்டன் மற்றும் பெய்ஜிங் ஆகியவை கொரோனா வைரஸ் தொற்றுநோயின் தோற்றம் குறித்து வார்த்தைப் போரில் ஈடுபட்டுள்ளன.

கொரோனா தொற்று நோயால் பொருளாதாரம் பாதிக்கப்பட்ட போதும் சீனா மே 22 அன்று, அமெரிக்காவிற்கு அடுத்தபடியாக இரண்டாவது பெரிய இராணுவ செலவினமான சீனா தனது பாதுகாப்பு வரவு செலவுத் திட்டத்தை 6.6 சதவீதம் அதிகரித்து 179 பில்லியன் டாலர்களாக உயர்த்தியது, இது இந்தியாவை விட கிட்டத்தட்ட மூன்று மடங்கு அதிகம் ஆகும்.

இந்த நிலையில் சீன அதிபர்  ஜி ஜின்பிங் தனது இராணுவத்தை  தயார்நிலையில் இருக்குமாறு உத்தரவிட்டு உள்ளார். மேலும்  நாட்டின் இறையாண்மையை உறுதியாக பாதுகாக்குமாறு கேட்டுக் கொண்டார். அவர் எந்தவொரு குறிப்பிட்ட அச்சுறுத்தலையும் குறிப்பிடவில்லை என்றாலும், அவரது கருத்துக்கள் இந்தியாவிற்கும் சீனாவிற்கும் இடையே உண்மையான எல்லை கட்டுப்பாட்டு பகுதியில் உள்ள பதற்றத்தை குறிப்பதாக உள்ளது. 

66 வயதாகும் ஜி ஜின்பிங் ஆளும் கம்யூனிஸ்ட் கட்சியின் (சிபிசி) பொதுச் செயலாளராகவும் உள்ளார். வாழ்நாள் முழுவதும் ஆட்சியில் இருக்கும் வாய்ப்பைக் கொண்ட 20 லட்சத்துக்கும்   அதிகமான இராணுவ வீரர்களின் தலைவராகவும் உள்ளார்.

பெய்ஜிங்கில் நடைபெற்று வரும் தற்போதைய நாடாளுமன்றக் கூட்டத் தொடரின்போது மக்கள் விடுதலை இராணுவம் (பி.எல்.ஏ) மற்றும் மக்கள் ஆயுதமேந்திய காவல்துறையின் தூதுக்குழுவின் முழுமையான கூட்டத்தில் கலந்து கொண்டு பேசும் போது 

மோசமான சூழ்நிலைகளைப் பற்றி சிந்திக்கவும், பயிற்சி மற்றும் போர் தயார்நிலையை சரிபார்க்கவும் அனைத்து வகையான சிக்கலான சூழ்நிலைகளையும் உடனடியாகவும் திறம்படவும் கையாளவும், தேசிய இறையாண்மை, பாதுகாப்பு மற்றும் மேம்பாட்டு நலன்களை உறுதியுடன் பாதுகாக்கவும் இராணுவத்திற்கு உத்தரவிட்டார்.


கருத்துக்களை பகிர


அல்லது

Your email address will not be published.

Scroll To Top