ரஷ்யாவில் கொரோனா பாதிப்பு எண்ணிக்கை 3,35,882 ஆக அதிகரிப்பு! ரஷ்ய சுகாதாரத் துறை அறிவிப்பு

ரஷ்யாவில் கடந்த 24 மணி நேரத்தில் 9,434 பேருக்கு தொற்றுஉறுதிப்படுத்தப்பட்டுள்ளது. இதனைத் தொடர்ந்து ரஷ்யாவில் கொரோனா பாதிப்பு எண்ணிக்கை 3,35,882 ஆக அதிகரித்துள்ளது.

இதுகுறித்து ரஷ்ய சுகாதாரத் துறை அமைச்சகம் தரப்பில் தெரிவிக்கப் பட்டது;

“ ரஷ்யாவில் கடந்த 24 மணி நேரத்தில் 9, 434 பேருக்கு கரோனா உறுதிப்படுத்தப்பட்டுள்ளது. இந்த நிலையில் கொரோனாவால் பாதிக்கப்பட்டவர்களின் எண்ணிக்கை 3,35,882 ஆக அதிகரித்துள்ளது. நேற்று 139 கொரோனாவுக்கு பலியான நிலையில் பலி எண்ணிக்கை 3,388 பேர் பலியாகி உள்ளனர்” என்று தெரிவிக்கப்பட்டுள்ளது.

ரஷ்யாவில் கடந்த ஒரு மாதமாகவே கொரோனா தொற்றால் பாதிக்கப்பட்டவர்களின் எண்ணிக்கை தொடர்ந்து அதிகரித்து வருகிறது. கடந்த பத்து நாட்களாக ஒவ்வொரு நாளும் 10,000 பேர் வரை ரஷ்யாவில் கொரோனா தொற்றால் பாதிக்கப்பட்டனர்.

இந்த நிலையில் கொரோனாவால் பாதிப்புக்குள்ளான முதல் பத்து நாடுகளில் ரஷ்யா தற்போது மூன்றாவது இடத்தில் உள்ளது. கொரோனா வைரஸ் பாதிப்பில் முதல் இடத்தில் அமெரிக்கா உள்ளது. அமெரிக்காவில் கொரோனா வைரஸால் 15,70,583 பேர் பாதிக்கப்பட்டுள்ளனர். அமெரிக்காவுக்கு அடுத்து பிரேசில் இரண்டாவது இடத்தில் உள்ளது. பிரேசிலில் 3, 30,890 பேர் கொரோனாவால் பாதிக்கப்பட்டுள்ளனர்.

முன்னதாக, ரஷ்ய அதிபர் புதினின் செய்தித் தொடர்பாளர் டிமிட்ரி பெஸ்கோ உட்பட பல முக்கிய அமைச்சர்களுக்கு கொரோனா தொற்று ஏற்பட்டது.ரஷ்ய பிரதமர் மிகைல் மிஷூஸ்டின் கடந்த மாதம் கொரோனா தொற்றுக்கு ஆளானார். பின்னர் குணமடைந்து பணிக்குத் திரும்பினார்.

உலகம் முழுவதும் சுமார் 53, 06,235 பேர் கொரோனா தொற்றால் பாதிக்கப்பட்டுள்ளனர். 3, 40,047 பேர் பலியாகி உள்ள நிலையில் 21, 60,156 பேர் குணமடைந்துள்ளனர்.


கருத்துக்களை பகிர


அல்லது

Your email address will not be published.

Scroll To Top