9 அரசியல் சட்ட திருத்தங்கள் 106 மத்திய சட்டங்கள் காஷ்மீருக்கும் பொருந்தும் மத்திய அரசு தகவல்

காஷ்மீருக்கான சிறப்பு அந்தஸ்து ரத்து செய்யப்பட்டதை தொடர்ந்து, 106 மத்திய சட்டங்களும், 9 அரசியல் சட்ட திருத்தங்களும் காஷ்மீருக்கும் பொருந்தும் என்று மத்திய அரசு கூறியுள்ளது.


காஷ்மீருக்கு சிறப்பு அந்தஸ்து வழங்கும் 370-வது பிரிவு மற்றும் 35ஏ பிரிவை மத்திய அரசு கடந்த ஆகஸ்டு 5-ந் தேதி ரத்து செய்தது. காஷ்மீரை 2 யூனியன் பிரதேசங்களாக பிரித்தது. இதை எதிர்த்து ஜனநாயக ரீதியில் பேசவோ, ஆர்ப்பாட்டங்கள் நடத்தவோ அனுமதிக்காமல் காஸ்மீர் தேசத்தை இந்திய ராணுவத்தின் பிடியில் வைத்துக்கொண்டு காஸ்மீர் தேசிய தலைவர்களை வீட்டுச்சிறையில் அடைத்தும் காஸ்மீர் மக்களின் அன்றாட வாழ்க்கையை அபகரித்து விட்டது மத்தியில் ஆளும் பாஜக அரசு

இது குறித்து பதிவு செய்யும் பத்திரிகை செய்திகள் தடை செய்யப்படுகின்றன என்று வெளிநாட்டு பத்திரிகைகள் எழுதுகின்றன .65 நாட்களாகியும் காஷ்மீரில் இயல்புநிலை இன்னும்  திரும்பவில்லை.



சிறப்பு அந்தஸ்து ரத்து செய்யப்பட்டதால் ஏற்படும் நன்மைகள் என்று  மத்திய அரசு, பத்திரிகைகளில் முழுப்பக்க விளம்பரம் கொடுத்துள்ளது.

மேலும், சிறப்பு அந்தஸ்து ரத்தை தொடர்ந்து, காஷ்மீருக்கு பொருந்தக்கூடியதாக மாறியுள்ள மத்திய சட்டங்கள் குறித்தும் மத்திய அரசு விளக்கம் அளித்துள்ளது. இதுகுறித்து மத்திய அரசு செய்தித்தொடர்பாளர் ஒருவர் கூறியதாவது:-

370-வது பிரிவு நீக்கப்படுவதற்கு முன்பு, காஷ்மீரில் மத்திய அரசின் சட்டங்களை அமல்படுத்துவது குறைவான அளவிலேயே இருந்தது. காஷ்மீர் சட்டசபை, அந்த சட்டங்களுக்கு ஒப்புதல் அளித்தால்தான், அவற்றை அங்கு அமல்படுத்த முடியும். இதனால் பெரும்பாலான சட்டங்களை அமல்படுத்த முடியவில்லை. ஆகவே, இந்த சட்டங்களால் கிடைக்கும் பலன்களை காஷ்மீர் மக்கள் அனுபவிக்க முடியவில்லை.
.
ஆனால், இப்போது 370-வது பிரிவு நீக்கப்பட்டதால், ஊழலுக்கு எதிரான அனைத்து சட்டங்களும் காஷ்மீருக்கும் பொருந்தும். 106 மத்திய அரசு சட்டங்களும், 9 அரசியல் சட்ட திருத்தங்களும் காஷ்மீருக்கு பொருந்தும்.

தேசிய சிறுபான்மையினர் ஆணைய சட்டம், கல்வி உரிமை சட்டம், பெற்றோர் பராமரிப்பு-நலவாழ்வு சட்டம், பெண்கள்-குழந்தைகள்-மாற்றுத்திறனாளிகளுக்கு பலனளிக்கும் சட்டங்கள், ஊழலை காட்டிக்கொடுப்போருக்கு பாதுகாப்பு அளிக்கும் சட்டம் உள்ளிட்ட சட்டங்கள் காஷ்மீருக்கு பொருந்தும்.

இதன் காரணமாக, ஒளிவுமறைவற்ற தன்மையும், பொறுப்புடைமையும் அதிகரிக்கும். மக்களுக்கு ஒதுக்கப்படும் பணம், உண்மையான பயனாளிகளுக்கு போய்ச் சேரும்.

அனைவருக்குமான கல்வித்தரம் உயரும். குறிப்பாக, ஏழைக் குழந்தைகளிடம் கல்வி சென்றடையும். கல்வி, தொழில் வளம், சுற்றுலா ஆகியவற்றில் அரசு கவனம் செலுத்தும்.என்று கூறியுள்ளார்

இது குறித்து காஸ்மீர் மக்கள் “உங்க நாட்டு சட்டம் எங்களுக்கு எதற்கு? எங்களுக்கென்று தனி சட்டம், தனி கொடி, தனி அரசமைப்பு என்று இருந்ததை நீங்கள்  பறித்து விட்டீர்கள்,எங்களை வீட்டுச்சிறையில் வைத்துக்கொண்டு   உங்கள் சட்டத்தால் என்னத்தை செய்யது விட போகிறீர்கள் “என்று கேட்கிறார்கள்


கருத்துக்களை பகிர


அல்லது

Your email address will not be published.

Scroll To Top