மீண்டும் வேலூர் பாராளுமன்ற தொகுதியில் ஆகஸ்ட் 5-ம் தேதி தேர்தல்: தேர்தல் ஆணையம் அறிவிப்பு

பாராளுமன்ற தேர்தலின் போது முன்னாள் அமைச்சர் துரைமுருகனின் மகன் கதிர் ஆனந்த், வேலூர் தொகுதியில் தி.மு.க. வேட்பாளராக நிறுத்தப்பட்டார். அதிக ஓட்டுகள் வித்தியாசத்தில் வெற்றி பெறுவார் என பத்திரிகைகள் எழுதின, மக்களும் பெரிய எதிர்பார்புடன் இருந்த நிலையில் திடீரென தேர்தல் நிறுத்திவைக்கப்பட்டது. வருமான வரித்துறையினர் அவருக்கு நெருங்கிய நண்பர் வீட்டில் திடீர் சோதனை நடத்தியதில் பணம் கைப்பற்றப்பட்டது ஆகவே, தேர்தலை நிறுத்தி வைக்கிறோம் என ஒரு சப்பை சாக்கு சொன்னது தேர்தல் ஆணையம்

இந்நிலையில், அந்த தொகுதியில் மீண்டும் தேர்தல் நடத்த வேலூர் பாராளுமன்றத் தொகுதிக்கான தேர்தல் தேதியை தேர்தல் ஆணையம் இன்று அறிவித்துள்ளது. இது தொடர்பாக தேர்தல் ஆணையம் வெளியிட்டுள்ள அறிவிப்பு வருமாறு:-
 
வேலூர் பாராளுமன்றத் தொகுதியில் போட்டியிடுவோர், வேட்பு மனுக்களை ஜூலை 11-ம் தேதி முதல், 18-ம் தேதி வரை தாக்கல் செய்யலாம். ஜூலை 19-ம் தேதி வேட்பு மனுக்கள் பரிசீலனை செய்யப்படும். வேட்பு மனுக்களை திரும்ப பெற ஜூலை 22ம் தேதி கடைசி நாள் ஆகும்.

அதன்பின்னர் இறுதி வேட்பாளர் பட்டியல் வெளியிடப்பட்டு, ஆகஸ்ட் 5-ம் தேதி வாக்குப்பதிவு நடத்தப்படும். ஆகஸ்ட் 9-ம் தேதி வாக்குகள் எண்ணப்பட்டு முடிவுகள் வெளியிடப்படும்.

இந்த தேர்தலில் அனைத்து வாக்குச்சாவடிகளிலும் வாக்குப்பதிவு எந்திரங்களுடன், ஒப்புகைச் சீட்டு வழங்கும் விவிபாட் எந்திரங்களும் பயன்படுத்தப்படும். தேர்தல் தேதி அறிவிக்கப்பட்டதால், தேர்தல் நடத்தை விதிகள் உடனடியாக அமலுக்கு வந்துள்ளன. 
இவ்வாறு தேர்தல் ஆணையம் கூறியுள்ளது. 


கருத்துக்களை பகிர


அல்லது

Your email address will not be published.

Scroll To Top