கடும் எதிர்ப்பு எதிரொலி – மசாஜ் சேவை அறிவிப்பை திரும்பப் பெற்றது ரெயில்வே நிர்வாகம்

கடும் எதிர்ப்பால் விமர்சனங்கள் எழுந்து வருவதால் ரெயில்களில் மசாஜ் சேவை வழங்கப்படும் என்ற அறிவிப்பை திரும்பப் பெற ரெயில்வே அமைச்சகம் முடிவு செய்துள்ளது.

இந்தியாவில் தினசரி கோடிக்கணக்கான மக்கள் ரெயில்களில் பயணம் செய்கின்றனர். ரெயில்களில் பயணிக்கும் மக்கள் தினசரி பல இன்னல்களுக்கும் ஆளாகின்றனர். ரெயில் பயணிகளுக்கு, பாதுகாப்பான பயணத்தை அளிக்க ரெயில்வே நிர்வாகம் பல நடவடிக்கைகளையும் மேற்கொண்டு வருகிறது.என்றாலும் முழுமையாக சரி செய்ய முடியவில்லை

சரியான தண்ணீர் வசதி இல்லாததால் ரெயில்களில் கழிவறைகள் சுத்தம் செய்யப்படாமல் நாற்றம் பிடித்துக்கொண்டிருக்கிறது இதனால் நோய் பரவும் வாய்ப்பும் உள்ளது

இந்த நிலையில்  பாஜக ஆட்சியில்  நீண்டதூர பயணிகளுக்கு களைப்பு, சலிப்பு தெரியாமல் இருக்க ரெயில்களிலேயே மசாஜ் சென்டர்களை கொண்டு சேவை செய்ய இந்திய ரெயில்வே முடிவு செய்தது. 

முதற்கட்டமாக, இந்தூரில் இருந்து புறப்படும் 39 ரயில்களில் இந்த வசதி அறிமுகம் செய்யப்படும் என அறிவிக்கப்பட்டது. இந்த மசாஜ் சேவைக்காக ஒரு பயணியிடம் இருந்து ரூ.100 வசூலிக்கப்படும். இந்த சேவை காலை 6 மணி முதல் இரவு 10 மணி வரை செயல்படும். 

ஓவ்வொரு கோச்சிலும் 4 முதல் 5 மசாஜ் செய்யும் பணியாளர்கள் இருப்பார்கள். இவர்களுக்கு ரெயில்வே துறையின் ஐடி கார்டு வழங்கப்பட்டிருக்கும் எனவும் தெரிவிக்கப்பட்டிருந்தது. இதன் மூலம் ரெயில்வே துறை ஆண்டுக்கு 20 லட்சம் முதல் 90 லட்சம் வரை லாபம்  கிடைக்கும். 

இதற்கான புரிந்துணர்வு ஒப்பந்தம் கையெழுத்தாகி  உள்ளது என்று ரயில்வே வாரியத்தின் ஊடக மற்றும் தகவல் தொடர்புத்துறை இயக்குனர் ராஜேஷ் பாஜ்பாய் தெரிவித்திருந்தார்.

இதைத்தொடர்ந்து இந்த முடிவு முறையற்றது என்று பல கடிதங்கள் ரெயில்வே துறை மந்திரி  பியூஷ் கோயலுக்கு போயின. அதில், ரெயில்களில் பெண்களும் பயணிக்கும் போது அவர்களுக்கு அசவுகரியங்கள் ஏற்படும் என்பதால் மசாஜ் சென்டர் அமைக்கும் திட்டத்தை கைவிட வேண்டும் என குறிப்பிட்டிருந்தார்கள். மற்றும் இருக்கிற வசதியை எந்த தடையும் இன்றி கிடைக்க ஏற்பாடு செய்தாலே போதுமானது என்றும் எழுதப்பட்டிருந்தது

இந்நிலையில் ரெயில்களில் மசாஜ் சேவை தொடங்குவது குறித்து பல்வேறு  தரப்பில் இருந்து கடும் விமர்சனங்கள் எழுந்து வருவதால் இந்தூரில் இருந்து செல்லும் ரெயில்களில் மசாஜ் சேவை வழங்கப்படும் என்ற அறிவிப்பை திரும்பப் பெற ரெயில்வே அமைச்சகம் முடிவு செய்துள்ளது


கருத்துக்களை பகிர


அல்லது

Your email address will not be published.

Scroll To Top