உச்சநீதிமன்றம் எஸ்.வி சேகருக்கு முன் ஜாமீன் வழங்க மறுப்பு;சீக்கிரம் கைது செய்யப்படலாம்

 

தலைமறைவாக இருந்த காமடி நடிகர் எஸ்.வி.சேகருக்கு முன்ஜாமின் வழங்க உச்சநீதிமன்றம் மறுப்பு தெரிவித்துள்ளது. கைது செய்ய விதித்த தடையையும் நீக்கியது.

பெண் பத்திரிக்கையாளர்கள் குறித்து பாலியல் ரீதியாக அவதூறாக பதிவிட்ட வழக்கில் தலைமறைவாக இருந்த காமடி நடிகர் எஸ்.வி.சேகருக்கு உச்சநீதிமன்றம் முன்ஜாமீன் மறுத்து இருக்கிறது

 

தமிழக ஆளுநர் பன்வாரிலால்  பெண் பத்திரிகையாளரை கன்னத்தில் தட்டிய விவகாரம் பெரிதானதை அடுத்து காமடி நடிகர் எஸ்.வி.சேகர் அந்த பெண் பத்திரிகையாளர் குறித்து தனது பேஸ்புக் பக்கத்தில் பாலியல் ரீதியாக அவதூறாக பதிவிட்டிருந்தார். மேலும் ஊடகங்களில் பணியாற்றும் பெண்கள் பதவி உயர்வுக்காக மேலதிகாரிகளை அனுசரித்து போகும் நிலை உள்ளதாகவும் பதிவிட்டிருந்தது தமிழகத்தில் பலத்த எதிர்ப்பு அலையை உருவாக்கியது.

 

அவர் மீது நடவடிக்கை எடுக்க வேண்டும் என்று காவல் ஆணையரிடம் தமிழ்நாடு பத்திரிகையாளர் பாதுகாப்பு நலச்சங்கம் சார்பில் அளிக்கப்பட்ட புகாரின் பேரில் எஸ்.வி.சேகர் மீது பெண் வன்கொடுமை சட்டம் உள்ளிட்ட 5 பிரிவுகளில் வழக்கு தொடரப்பட்டது. மேலும் தமிழகம் முழுதும் பல்வேறு காவல் நிலையங்களில் அவர் மீது புகார் அளிக்கப்பட்டது.அவரை கைது செய்ய சென்னை உயர்நீதிமன்றம் ஆணையிட்டும் தமிழக போலீஸ் அவரை கைது செய்யாமல் இருந்தது.

 

காமடி நடிகர் எஸ்.வி.சேகரின்  அண்ணன் மனைவிதான் தமிழக தலைமைச்செயலாளராக இருக்கும் கிரிஜா வைத்தியநாதன்.மற்றும் எஸ்.வி.சேகர் பாஜக வின் உயர்மட்ட குழு உறுப்பினர். இது போன்ற பின்புலத்துடன் எஸ்.வி.சேகர் இருந்ததால் தமிழக காவல்துறை தனக்கு கெட்டபெயர் வந்தாலும் பரவில்லை என்று அவரை கைது செய்யாமல் இருந்தது. எஸ்.வி.சேகரை கைது செய்யாமல் இருந்ததற்கு தமிழக தலைமைச்செயலாளராக இருக்கும் கிரிஜா வைத்தியநாதனும் ஒரு காரணமாக இருந்தார் என சொல்லப்படுகிறது.

 

இந்நிலையில் அவர் முன் ஜாமீன் கோரி உயர் நீதிமன்றத்தில் தாக்கல் செய்த மனுவை தள்ளுபடி செய்த நீதிபதி கடுமையான கண்டனத்தை தெரிவித்திருந்தார். அவரை ஏன் கைது செய்யவில்லை என காவல்துறை மீது அதிருப்தியும் தெரிவித்திருந்தார்.

 

இதையடுத்து எஸ்.வி.சேகர் உச்சநீதிமன்றத்தில் முன் ஜாமீன் கேட்டு மனுத்தாக்கல் செய்தார். அதனை விசாரித்த உச்சநீதிமன்றம் ஜூன் 1 வரை எஸ்.வி.சேகரை கைது செய்ய தடை விதித்திருந்தது. இந்நிலையில் இன்று மீண்டும் வழக்கு விசாரணைக்கு வந்தபோது எஸ்.வி. சேகருக்கு முன்ஜாமீன் வழங்க மறுப்பு தெரிவித்தஉச்சநீதிமன்றம், அவரை கைது செய்ய விதித்திருந்த தடையை நீக்கியும் உத்தரவு பிறப்பித்தது.

 

அரசு தரப்பில் எஸ்.வி.சேகர் மீது சார்ஜ் ஷீட் ரெடியாகி விட்டது என்று தெரிவித்தனர். இதையடுத்து, எஸ்.வி.சேகரை சென்னை எழும்பூர் நீதிமன்றத்தில் ஆஜராக வேண்டும் என்று நீதிபதிகள் உத்தரவிட்டனர். எஸ்வி சேகருக்கு முன்ஜாமீன் மறுக்கப்பட்டதால் அவர் எந்த நேரத்திலும் கைது செய்யப்படலாம் என தெரிகிறது.

 


கருத்துக்களை பகிர


அல்லது

Your email address will not be published.

Scroll To Top