பசங்க புரொடக்ஷன்ஸ் தயாரிப்பில் உருவாகும் “மெரினா புரட்சி” படம்

‘பசங்க’ படத்தின் மூலம் தமிழ் சினிமாவில் இயக்குநராக அறிமுகமானவர் பாண்டிராஜ். இதனையடுத்து ‘வம்சம், மெரினா, கேடி பில்லா கில்லாடி ரங்கா, பசங்க 2, கதகளி, இது நம்ம ஆளு’ போன்ற பல படங்களை இயக்கியுள்ளார். இதில் கேடி பில்லா கில்லாடி ரங்காபடத்தை தவிர வேறு எந்த படமும் பெரிய அளவில் வெற்றிபெறவில்லை.

இதில் 5 படங்களை அவரே தனது சொந்த தயாரிப்பு நிறுவனமான ‘பசங்க புரொடக்ஷன்ஸ்’ மூலம் தயாரித்துள்ளார். தற்போது, ‘பசங்க புரொடக்ஷன்ஸ்’ நிறுவனம் சார்பில் புதிய படத்தை தயாரித்து வருகிறார். அந்தப் படத்திற்கு ‘மெரினா புரட்சி’ என தலைப்பு சூட்டியுள்ளனர்.

கடந்த வருடம் இதே நாளில் (ஜனவரி 8-ஆம் தேதி) ஜல்லிக்கட்டு தடைக்கு எதிராக மெரினாவில் தொடங்கி நடைபெற்ற போராட்டத்தை மைய்யப்படுத்திய திரைப்படம் என்று கூறப்படுகிறது. எம்.எஸ்.ராஜ் என்பவர் இயக்கி வரும் இப்படத்திற்கு ஆர்.வேல்ராஜ் ஒளிப்பதிவு செய்கிறார்.

இந்த படத்தின் பர்ஸ்ட் லுக் போஸ்டரை நேற்று நடிகர்கள் சிவகார்த்திகேயன், சதீஷ், சூரி தங்களது டுவிட்டர் பக்கங்களில் வெளியிட்டுள்ளனர். இப்போஸ்டர் ரசிகர்களிடையே வரவேற்பு பெற்று வைரலாகி வருகிறது.


கருத்துக்களை பகிர


அல்லது

Your email address will not be published.

Scroll To Top