விஜய் சேதுபதியின் தெலுங்கு படத்தில் இருந்து ஏ.ஆர்.ரஹ்மான் விலகல்

உய்யலவாடா நரசிம்ம ரெட்டியின் வாழ்க்கை வரலாற்றை அடிப்படையாகக் கொண்டு ‘சயீரா நரசிம்ம ரெட்டி’ என்ற தெலுங்குப் படம் உருவாக இருக்கிறது. இதில் முக்கிய கதாபாத்திரத்தில் நடிக்க விஜய் சேதுபதி ஒப்பந்தமாகி இருக்கிறார். மேலும் சிரஞ்சீவி, அமிதாப் பச்சன், கிச்சா சுதீப், நயன்தாரா, ஜெகபதி பாபு, ப்ரக்யா ஜெய்வால், டாக்டர் ராஜசேகர் உள்ளிட்ட பலரும் நடிக்க ஒப்பந்தமாகியுள்ளனர்.கொனிதலா புரொடக்‌ஷன் கம்பெனி சார்பில் ராம்சரன் இந்த படத்தை தயாரிக்கிறார்.

சுமார் ரூ.150 கோடி ரூபாய் பட்ஜெட்டில் சுரேந்தர் ரெட்டி இயக்கவிருக்கும் இந்த படத்தின் பூஜை சமீபத்தில் ஐதராபாத்தில் நடைபெற்றது.

இந்நிலையில், ஏ.ஆர்.ரஹ்மானும் படக்குழுவில் இருந்து விலகியிருக்கிறார். தொடர்ந்து பல்வேறு படங்களில் ஒப்பந்தமாகி இருப்பதால் இந்த படத்தில் இருந்து விலகுவதாக ஏ.ஆர்.ரஹ்மான் கூறியிருக்கிறார். அவருக்கு பதிலாக எஸ்.தமன் ஒப்பந்தம் செய்யப்பட்டுள்ளதாக கூறப்படுகிறது.

படப்பிடிப்பு தொடங்குவதற்கு முன்னதாகவே, ஒளிப்பதிவாளராக ஒப்பந்தம் செய்யப்பட்ட ரவிவர்மன் விலகினார். அவருக்கு பதிலாக ஆர்.ரத்னவேலு ஒப்பந்தமாகியுள்ளார். படம் இந்த ஆண்டு இறுதியில் வெளியாகும் என்று எதிர்பார்க்கப்படுகிறது.


கருத்துக்களை பகிர


அல்லது

Your email address will not be published.

Scroll To Top