இலங்கைக்கு எதிரான 3-வது ஒருநாள் போட்டியிலும் வெற்றி: தொடரை வென்றது இந்தியா

Kandy: India’s Rohit Sharma greets Mahendra Singh Dhoni celebrates his fifty against Srilanka during a 3rd ODI at Pallekele International Cricket Stadium at Pallekele, Kandy in Sri Lanka, on Sunday. PTI Photo by Manvender Vashist (PTI8_27_2017_000266a)

5 ஒருநாள் போட்டித் தொடரில் முதல் ஆட்டத்தில் 9 விக்கெட் வித்தியாசத்திலும், 2-வது ஆட்டத்தில் 3 விக்கெட் வித்தியாசத்திலும் இந்திய அணி வெற்றி பெற்று 2-0 என்ற கணக்கில் முன்னிலையில் உள்ளது.

இலங்கை அணிக்கு எதிரான 3-வது ஒருநாள் போட்டியிலும் இந்தியா வெற்றி பெற்று தொடரை கைப்பற்றியது.

பல்லேகலேவில் நடந்த இந்த ஆட்டத்தில் முதலில் விளையாடிய இலங்கை அணியால் நிர்ணயிக்கப்பட்ட 50 ஓவர்களில் 9 விக்கெட் இழப்புக்கு 217 ரன்னே எடுக்க முடிந்தது.

திரிமானே அதிகபட்சமாக 105 பந்தில் 80 ரன்னும் (5 பவுண்டரி, 1 சிக்சர்), சண்டிமால் 36 ரன்னும் எடுத்தனர். பும்ரா 27 ரன் கொடுத்து 5 விக்கெட் வீழ்த்தினார். ஹர்த்திக் பாண்ட்யா, யசுவேந்தர சஹால், அக்‌ஷர் பட்டேல் தலா 1 விக்கெட்டும் எடுத்தனர்.

பின்னர் விளையாடிய இந்தியா 45.1 ஓவரில் 4 விக்கெட் இழப்புக்கு 218 ரன் எடுத்து 6 விக்கெட் வித்தியாசத்தில் வெற்றி பெற்றது. தொடக்க வீரர் ரோகித்சர்மா சதம் அடித்தார். 161-வது போட்டியில் விளையாடிய அவருக்கு இது 12-வது சதமாகும். ரோகித் சர்மா 145 பந்தில் 124 ரன்னும் ‘16 பவுண்டரி, 2 சிக்சர்) டோனி 86 பந்தில் 67 ரன்னும் (4 பவுண்டரி, 1 சிக்சர்) எடுத்தனர்.

இந்திய அணி ஒரு கட்டத்தில் 61 ரன்னுக்கு 4 விக்கெட்டை இழந்து இருந்தது. 5-வது விக்கெட்டான ரோகித்சர்மா- டோனி ஜோடி சிறப்பாக ஆடி அணியை வெற்றி பெற வைத்தனர். இருவரும் இணைந்து 157 ரன் எடுத்தனர்.

இந்தியா பெற்ற ‘ஹாட்ரிக்’ வெற்றியாகும். இதன்மூலம் 5 போட்டி கொண்ட ஒருநாள் தொடரை இந்தியா 3-0 என்ற கணக்கில் கைப்பற்றியது. முதல் ஆட்டத்தில் 9 விக்கெட் வித்தியாசத்திலும், 2-வது போட்டியில் 3 விக்கெட் வித்தியாசத்திலும் வெற்றி பெற்று இருந்தது.

 


கருத்துக்களை பகிர


அல்லது

Your email address will not be published.

Scroll To Top