இந்தியா-இலங்கை இடையேயான ஒருநாள் தொடர், முதல் ஆட்டம் நாளை நடக்கிறது

 

இந்திய கிரிக்கெட் அணி இலங்கையில் சுற்றுப்பயணம் செய்து விளையாடி வருகிறது.இரு அணிகள் இடையேயான 3 டெஸ்ட் போட்டி தொடரில் இந்தியா 3 டெஸ்டிலும் வென்று தொடரை கைப்பற்றி ‘ஒயிட்வாஷ்’ செய்தது.

இந்தியா-இலங்கை இடையேயான 5 ஒருநாள் போட்டித் தொடரில் முதல் ஆட்டம் தமுல்லாவில் நாளை 20-ந்தேதி நடக்கிறது.

டெஸ்ட் தொடரை போலவே ஒருநாள் தொடரிலும் இந்திய அணியின் ஆதிக்கம் நீடிக்குமா? என்று ரசிகர்கள் ஆவலுடன் எதிர்நோக்குகிறார்கள். ஒருநாள் தொடரையும் கைப்பற்றிவிட வேண்டும் என்ற ஆர்வத்தில் இந்திய அணி இருக்கிறது.

டெஸ்ட் தொடரை இழந்த இலங்கை அணி ஒருநாள் தொடரிலாவது வெல்ல வேண்டும் என்ற வேட்கையில் உள்ளது. உபுல் தரங்கா தலைமையிலான அந்த அணி பேட்டிங், பந்துவீச்சில் சமபலத்துடன் இருக்கிறது.இலங்கை அணி சமீபத்தில் சொந்த மண்ணில் ஜிம்பாப்வேயிடம் தோற்றதால் நெருக்கடியில் உள்ளது. உலககோப்பைக்கு நேரடியாக தகுதி பெற இந்த தொடரில் 2 ஆட்டத்தில் அந்த அணி வெற்றி பெற வேண்டும்.

தவான் டெஸ்ட் தொடரில் முத்திரை பதித்தார். இதனால் அவர் மீது அதிகமான எதிர்பார்ப்பு இருக்கிறது. ஆல் ரவுண்டர்களான அஸ்வின், ஜடேஜாவுக்கு ஓய்வு அளிக்கப்பட்டுள்ளது. குல்தீப் யாதவ், அக்‌ஷர் பட்டேல் ஆகியோர் அவர்களது இடத்தை பூர்த்தி செய்வார்கள். வேகப்பந்து வீச்சாளர்களான பும்ரா, புவனேஷ்வர்குமார் உள்ளனர்.

இந்திய நேரப்படி பிற்பகல் 2.30 மணிக்கு தொடங்கும் இந்த போட்டி டென் 3 மற்றும் தூர்தர்சனில் நேரடியாக ஒளிபரப்பு செய்யப்படுகிறது.

இந்தியா: வீராட்கோலி, ரோகித்சர்மா, தவான், ரகானே, ராகுல், கேதர்ஜாதவ், ஹர்த்திக் பாண்ட்யா, டோனி, மணிஷ் பாண்டே, அக்‌ஷர் பட்டேல், புவனேஸ்வர்குமார், குல்தீப் யாதவ், பும்ரா, யசுவேந்திர சஹால், ‌ஷர்துல்தாக்கூர்.

இலங்கை: உபுல் தரங்கா, மேத்யூஸ், குணதில்கா, கபுகேந்திரா, குஷால் மெண்டீஸ், திசாரா பெரைரா, டிக்வெலா, பெர்னாண்டோ, ஹசரன்கா, தனஞ்செயா, சமீரா, மலிங்கா, புஷ்பக்குமாரா, சன்டகன், மிலின்டா ஸ்ரீவர்த்தனா.


கருத்துக்களை பகிர


அல்லது

Your email address will not be published.

Scroll To Top