தனுஷ் நடிக்கும் ஹாலிவுட் படத்தின் படப்பிடிப்பு தொடங்கியது

tanush

 

தனுஷ் நடிக்கும் ‘தி எக்ஸ்ட்ராடினரி ஜர்னி ஆஃப் ஃபகிர்’ ஹாலிவுட் படத்தின் படப்பிடிப்பு தொடங்கப்பட்டு இருக்கிறது.

‘வேலையில்லா பட்டதாரி 2’ மற்றும் ‘வடசென்னை’ ஆகிய படங்களில் கவனம் செலுத்தி வந்தார் தனுஷ். இதில் ‘வேலையில்லா பட்டதாரி 2’ படத்தின் படப்பிடிப்பு முடிந்து, இறுதிக்கட்டப் பணிகள் தீவிரப்படுத்தப்பட்டுள்ளன. ‘வடசென்னை’ படத்தின் 2ம் கட்ட படப்பிடிப்பு முடிவுற்று உள்ளது.

இவ்விரண்டு படங்களைத் தொடர்ந்து, ஹாலிவுட் படத்துக்காக 3 மாதங்கள் தேதிகள் ஒதுக்கினார் தனுஷ். இதன் படப்பிடிப்புக்காக வெளிநாட்டிற்கு பயணம் மேற்கொண்டு உள்ளரர்

கனடா நாட்டைச் சேர்ந்த இயக்குநர் கென் ஸ்காட் இயக்கத்தில் ‘தி எக்ஸ்ட்ராடினரி ஜர்னி ஆஃப் ஃபகிர்’ என்ற படத்தில் நடித்து வருகிறார் தனுஷ். இதன் படப்பிடிப்பு பெல்ஜியம் நாட்டில் நடைபெற்று வருகிறது. பிரபல ப்ரெஞ்ச் நாவலான ‘The Extraordinary Journey Of The Fakir Who Got Trapped In An Ikea Cupboard’ திரைப்படமாக உருவாகி வருவது குறிப்பிடத்தக்கது. பெரனீஸ் பெஜோ மற்றும் எரின் மொரியார்டி ஆகியோர் தனுஷுடன் முக்கிய கதாபாத்திரத்தில் நடித்து வருகிறார்கள்.

ஹாலிவுட் படத்தின் படப்பிடிப்பை முடித்துவிட்டு, ‘வடசென்னை’, ‘மாரி 2’, ‘கார்த்திக் சுப்புராஜ் இயக்கும் படம்’ மற்றும் ‘எனை நோக்கி பாயும் தோட்டா’ உள்ளிட்ட படங்களில் கவனம் செலுத்த திட்டமிட்டு உள்ளார் தனுஷ்.


கருத்துக்களை பகிர


அல்லது

Your email address will not be published.

Scroll To Top